Psa 133 | LinMNB | STEP | Nzembo ya David, nzembo ya mobembo tango bazalaki na nzela mpo na kokende na ndako na Yawe. Tala, ezali malamu mpe kitoko soki bandeko bavandi lisanga kati na bomoko.

Psalms 133

Soki bandeko basangani…

Nzembo ya David, nzembo ya mobembo tango bazalaki na nzela mpo na kokende na ndako na Yawe.

1 Tala, ezali malamu mpe kitoko
soki bandeko bavandi lisanga kati na bomoko.

2 Ezali lokola mafuta ya motuya,
oyo esopani na motu,
oyo ezali kokita na mandefu,
kino na mandefu ya Aron,
ezali kokita na suka ya bilamba na ye ;

3 ezali mwa mayi ya mike-mike
oyo ezalaka na matiti ya Ermon,
mpe ekitaka na bangomba ya Siona ;
pamba te, ezali kuna nde Yawe apesaka
lipamboli na ye, bomoi mpo na libela na libela.